An mbainimse aon tairbhe as cánacha? Conas?
Aidhm:
Ba chóir go dtuigfeadh foghlaimeoirí na slite ina gcabhraíonn cánacha chun saol leanaí agus na daoine a thugann aire dóibh a fheabhsú.
Cuspóirí:
Is ceacht foghlama féinriartha ar líne é seo. Seo an leagan amach atá air:
-An tionchar díreach atá ag cánacha ar shaol leanaí
-Conas a chabhraíonn cánacha le leanaí
-Baineann gach duine tairbhe as airgead cánach
-Na torthaí mura n-íoctar cánacha
-Imghabháil cánach
-Samhlaigh saol gan cháin
-Clabhsúr
Is féidir le múinteoirí an ceacht iomlán a úsáid nó ranna den cheacht a roghnú, mar a oireann. Meastar go dtógfaidh sé 30 nóiméad ar an meán freastal ar an gceacht iomlán agus na gníomhaíochtaí teagascacha molta a ghabhann leis a dhéanamh.
Maidir le hábhar an chúrsa oiliúna seo:
- is ábhar ginearálta amháin atá ann agus níl sé ceaptha díriú ar thosca aon duine nó aonáin ar leith;
- ní thugtar comhairle ghairmiúil ná comhairleoireacht dhlíthiúil ann;
- tá sé bailí ar dháta a fhoilsithe. Is féidir rátaí nuashonraithe CBL a sheiceáil ar EUROPA.
Ní mheastar mar reachtaíocht bharántúil ach reachtaíocht Aontais Eorpaigh a fhoilsítear in Iris Oifigiúil an Aontais Eorpaigh.
Ábhair:
Micrighearrthóg “Do I benefit from taxes? How?” (An mbainimse tairbhe as cánacha? Conas?)
Clár bán idirghníomhach (nó díreach teilgeoir LCD)
Foclóir:
cánacha, imghabháil cánach, cáiníocóirí