Ná bí buartha! Íocann gach duine dínn cáin
Aidhm:
Beidh comhrá spéisiúil ag na foghlaimeoirí faoin gcéad phost, freagrachtaí, imghabháil cánach agus cánachas a fhéadann cabhrú leo sult níos mó a bhaint as a gcuid tuilleamh.
Cuspóiri:
Is acmhainn úsáideach an ceacht seo ar féidir le múinteoirí é a mholadh mar ullmhúchán do rang ar Eitic. Is féidir liosta coincheap a sholáthar don fhoghlaimeoir, a chaithfidh siad a leanúint ó thús deireadh an cheachta, ar nós:
• Cad is ioncam roimh cháin ann?
• Cad is ioncam iarchánach ann?
• Cathain is féidir déagóir a fhostú?
• An mbíonn freagrachtaí fioscacha ar dhéagóirí?
• Cén fáth a chaitheann cáiníocóirí dearbhú bliantúil fioscach a líonadh isteach?
• Cad is díolúine chánach ann?
Maidir le hábhar an chúrsa oiliúna seo:
- is ábhar ginearálta amháin atá ann agus níl sé ceaptha díriú ar thosca aon duine nó aonáin ar leith;
- ní thugtar comhairle ghairmiúil ná comhairleoireacht dhlíthiúil ann;
- tá sé bailí ar dháta a fhoilsithe. Is féidir rátaí nuashonraithe CBL a sheiceáil ar EUROPA.
Ní mheastar mar reachtaíocht bharántúil ach reachtaíocht Aontais Eorpaigh a fhoilsítear in Iris Oifigiúil an Aontais Eorpaigh.
Ábhair:
Cúrsa “Relax! (Ná bí buartha!) We all pay tax.” (Ná bí buartha! Íocann gach duine dínn cáin.)
Clár bán idirghníomhach (nó díreach teilgeoir LCD)
Foclóir:
cánacha, cánachas, cáiníocóirí, freagrachtaí fioscacha, dearbhú fioscach, díolúine chánach