• It-taxxi, tgħid inti...Kif jgħoddu għalija?
• Ikkalma sieħbi, kollha kemm aħna nħallsu t-taxxa
• Oqgħod attent mil-lat oskur
• Il-protagonisti veri huma l-kontribwenti

• Meta t-taxxi jidhru fil-ħajja taċ-ċkejknin!
• Kif tibda negozju?
• Introjtu mill-impjieg
• Introjtu min-negozju

• It-taxxa x'inhi?
• Kif bdew it-taxxi?
• Min iħallas it-taxxa llum?
• Min jiġbor it-taxxi u għalfejn?
• Min jibbenefika mit-taxxi u kif?
• Il-konsegwenzi tal-evitar tal-ħlas tat-taxxi
• X'tipi ta' taxxi jeżistu?
• In-negozji jħallsu t-taxxa?
• Kif inhu taxxabbli l-introjtu?
• It-taxxi jistgħu jipproteġu l-ambjent?
• X'inhi t-taxxa fuq il-valur miżjud?
• Ta' min hu l-kompitu tad-dazju doganali?

L-"e-Apprendiment" hija taqsira għal "apprendiment elettroniku", u dan ifisser li jintuża kompjuter biex issir parti minn kors jew kors sħiħ – kemm jekk ġewwa skola, bħala parti mit-taħriġ obbligatorju tiegħek, jew kors ta' apprendiment mill-bogħod sħiħ. Il-korsijiet tal-e-Apprendiment huma disponibbli 24 siegħa, 7 ijiem fil-ġimgħa, u jagħtu responsabbiltà sħiħa lill-individwu għall-istudju u biex jiddeċiedi/tiddeċiedi l-pass tiegħu/tagħha. Il-benefiċċji tal-użu tal-e-Apprendiment huma li l-istudent:

• jista' jitgħallem minn kwalunkwe post;
• għandu bżonn biss apparat elettroniku u aċċess għall-internet;
• jillimita l-kostijiet tal-ivvjaġġar;
• jiffranka l-ħin;
• jista' jagħżel dak li huwa verament importanti;
• jista' jieħu taħriġ flessibbli;
• jibbenefika minn elementi ta' logħob, ta' awdjo u ta' vidjo.

Il-Mikrotagħlim huwa approċċ edukattiv maħsub biex jibni drawwiet ta' suċċess b'passi żgħar. Il-benefiċċju tat-tagħlim bl-użu ta' dawn il-filmati qosra huma:

• li jkollok l-għażla li titgħallem int u tivvjaġġa;
• jistgħu jiġu prodotti malajr biżżejjed biex jirreaġixxu għal ambjent tax-xogħol li qed jinbidel;
• jirrikjedu ftit sforz f'sessjonijiet individwali;
• jipprovdu informazzjoni ffokata u preċiża;
• is-suġġetti huma limitati u aċċessibbli.

It-taqsima tar-riżorsi hija librerija ta' korsijiet, immaġni, filmati u materjali oħra dwar it-tassazzjoni.

Il-portal huwa mmirat għal tliet gruppi ta' età b'informazzjoni mfassla apposta:

• It-tfal: spjegazzjoni ta' x'inhuma t-taxxi u l-benefiċċji li jesperjenza kulħadd ta' kuljum. Din it-taqsima tinkludi xi fatti sorprendenti u divertenti dwar it-taxxi mill-Ewropa kollha sabiex it-tagħlim ikun divertenti. Il-lingwaġġ huwa sempliċi u aċċessibbli.
• Iż-żgħażagħ: deskrizzjoni ta' x'inhuma t-taxxi u l-benefiċċji għall-ħajja ta' kuljum. Din it-taqsima tipprovdi aktar dettall minn dik maħsuba għat-tfal, kif ukoll eżempji konkreti li jaqblu mal-interessi taż-żgħażagħ (l-iddawnlowdjar tal-mużika, ix-xiri online, eċċ.).
• L-adulti żgħażagħ: informazzjoni rilevanti għal dan l-istadju partikolari tal-ħajja. Iż-żgħażagħ li qed jagħmlu t-tranżizzjoni lejn il-ħajja adulta jeħtieġ li jkunu jafu jekk għandhomx iħallsu t-taxxa meta jibdew l-università, u kif għandhom jittrattaw kwistjonijiet ta' taxxa jekk jiftħu n-negozju tagħhom, jekk jaħdmu f'pajjiż ieħor, eċċ.).

Is-sit web ta' TAXEDU għandu l-għan li jinforma lill-Ewropej ċkejknin dwar it-tassazzjoni u dwar kif din taffettwalhom ħajjithom issa u fil-futur.

Ikkonsulta l-lista tas-siti web tal-awtorità nazzjonali tat-taxxa jew ikkuntattja lill-Kummissjoni Ewropea.

Jekk għandek xi mistoqsija rigward dan il-portal, ara wkoll il-paġna tal-kuntatti nazzjonali tagħna.