Child Tax, what is it?

It-taxxa, x'inhi?

It-taxxa hija l-flus li jinġabru mill-gvern li mbagħad jerġgħu jingħataw lin-nies li jgħixu fl-istess belt jew pajjiż, jew biex jinbnew it-toroq, l-iskejjel, il-parks u postijiet li ma noqogħdux mingħajrhom. L-ammont li jinġabar jiddependi minn kemm għandhom flus in-nies.

It-taxxi huma flus imħallsa minn:

- persuni li jaħdmu jew li jirċievu flus minn xi mkien ieħor: din tissejjaħ "taxxa fuq l-introjtu";
- persuni li huma sidien ta' proprjetà: din tissejjaħ "taxxa fuq il-proprjetà";
- negozji: din tissejjaħ "taxxa korporattiva";

- attivitajiet li għandhom impatt fuq l-ambjent: din tissejjaħ "taxxa ambjentali";
- il-flus jew l-affarijiet personali li jitħallew lilek wara li jmut xi ħadd: din tissejjaħ "taxxa fuq il-wirt";
- persuni li jixtru prodotti jew servizzi: din tissejjaħ "Taxxa fuq il-Valur Miżjud" (VAT).

Kif jaffettwawli ħajti t-taxxi?

Meta mmur ġewwa mużew?
Meta nuża l-biros u l-kotba l-iskola?
Meta naqbad tal-linja biex immur xi mkien?
Meta nsuq ir-rota tiegħi fuq il-korsija għaċ-ċiklisti?
Meta mmur l-isptar?

Mingħajr it-taxxa, ikun hemm ferm inqas flus biex jitħallsu dawn l-affarijiet.

Ikklikkja fuq l-attivitajiet t'hawn fuq biex tara kif ikkontribwew it-taxxi.

mużew

Aħseb dwar dawk il-pitturi sbieħ jew dawk il-mudelli tad-dinosawri kollha. Kif taħseb li l-mużew iħallas għalihom? Hemm tariffa għad-dħul, dik tgħin. Imma dik mhijiex biżżejjed! Il-bqija normalment jitħallas mit-taxxi.

skola

Meta tmur l-iskola, tuża materjal ipprovdut mill-għalliema u tilgħab fil-btieħi mibnija mill-iskola. It-tnejn huma possibbli minħabba t-taxxa.

tal-linja

It-trasport pubbliku bħal tal-linja, it-tramm, il-metro u l-ferroviji wkoll jitħallas bil-flus mit-taxxa.

korsija għaċ-ċiklisti

Il-persuni li jibnu l-korsiji għaċ-ċiklisti jitħallsu bil-flus miġbura bħala taxxi – l-istess japplika għat-tarmak u ż-żebgħa użata biex dawn isiru!

sptar

Kif jiġu mħallsa l-isptarijiet ivarja minn pajjiż għal ieħor. Iżda mill-bini tagħhom sal-ħlas tat-tobba u l-infermiera u x-xiri ta' tagħmir li jiswa l-flus għar-riċerka u t-trattament biex jiġu salvati l-ħajjiet – kważi dejjem jintużaw il-flus miġbura mit-taxxi.